Во 2025 година на товар на Фондот за здравствено осигурување во аптеките биле реализирани вкупно 27.334.693 рецепти во износ од 3,59 милијарди денари (58,4 милиони евра), покажуваат податоците од годишниот извештај на ФЗОМ за 2025 година. Во него се констатира дека потрошувачката на лекови на рецепт на товар на Фондот преку аптеките бележи континуиран раст во изминатите години.
Просечната потрошувачка на лекови според бројот на реализирани рецепти по осигуреник за 2025 година е 14,8 рецепти, што претставува зголемување од околу 4,4 проценти во однос на 2024 година. Просечниот фактуриран износ по осигуреник за 2025 година на ниво на државата изнесува 1.953 денари, што претставува зголемување од околу 9,87 проценти во однос на 2024 година.
Во 2025 година во сите региони се забележува зголемување на просечниот број на реализирани рецепти по осигуреник во однос на 2024 година. Најголема потрошувачка на лекови според бројот на реализирани рецепти по осигуреник, а соодветно на тоа и според просечниот износ по осигуреник, е забележана во Источниот Регион со 18,1 рецепти по осигуреник, со просечен износ од 2.309 денари. Најмала потрошувачка на лекови според бројот на реализирани рецепти по осигуреник е забележана во Полошкиот Регион со 12 рецепти по осигуреник и според просечен износ по осигуреник со износ од 1.549 денари.
Прочитај повеќе
Профитот на „АстраЗенека“ расте поради силната продажба на лекови за рак
Под извршниот директор Паскал Сорио, „Астра“ изгради репутација како моќник во лековите за рак.
29.04.2026
Копии од Индија го нагризуваат растот на продажбата на „Ели Лили“
Ценовната војна за лекови за слабеење веќе почна во Индија, каде што генеричките копии на „семаглутид“ ја зголемуваат побарувачката и го менуваат пазарот.
09.04.2026
Трамп ќе воведе царини од 100 отсто за некои увезени лекови
Американскиот претседател ги реализира заканите од минатата есен за воведување 100 отсто царини на брендирани или патентирани лекови, освен ако компаниите не го преместат производството во САД.
02.04.2026
Како „Ново Нордиск“ ја изгуби водечката позиција на пазарот за слабеење?
Акциите на „Ново Нордиск“ изгубија поголем дел од добивките, додека конкуренцијата од поевтини копии и од „Ели Лили“ ја менува рамнотежата на пазарот.
24.02.2026
Како и во изминатите години, и во 2025 година на прво место по бројот на реализирани рецепти и според вкупниот фактуриран износ се лековите за третман на заболувања на кардиоваскуларниот систем. Во 2025 година се бележи пораст на бројот на реализирани рецепти за лековите од оваа група, и тоа за 6,88 проценти, додека пак вкупниот фактуриран износ е зголемен за околу 17,9 проценти. Во 2025 година се реализирани околу 11,21 милиони рецепти во износ од 1,01 милијарда денари (16,4 милиони евра). На второ место, според бројот на реализирани рецепти, во 2025 година се лековите со дејство на дигестивниот тракт и метаболизмот. Додека според вкупните фактурирани износи на второ место се лековите што дејствуваат на респираторниот систем. Лековите со дејство на централниот нервен систем се на трето место според бројот на реализирани рецепти и според вкупниот фактуриран износ.
Потрошувачката на антиинфективните лекови (антибиотици, антимикотици, антивирусни лекови), кои се наоѓаат на четврто место според бројот на реализирани рецепти, во 2025 година е намален за 6,71 проценти во однос на 2024 година.
Најкористен лек во 2025 година е лекот „метморфин“ (metformin), со приближно 2,03 милиони реализирани рецепти. Овој лек учествува со 7,45 проценти во вкупно реализираните рецепти во 2025 година. Лекот спаѓа во групата на лекови со дејство на дигестивниот тракт и метаболизам и се користи при дијабетес.
На првите 10 најкористени лекови на товар на Фондот, според бројот на реализирани рецепти, отпаѓаат околу 45 проценти од вкупниот број на рецепти реализирани во 2025 година.
.webp){kind=icon}
