Состојбата во градежништвото е алармантна, некои фирми веќе затворија, други најавуваат затворање, бројот на работници се намалува, вели во разговор за Блумберг Адриа ТВ, Андреа Серафимовски, претседател на Здружението на градежници при Стопанската Комора на Македонија.
Според податоците за првиот квартал, градежништвото паднало за 17, 2 отсто што е историски најголем пад, а растот од 0,2 отсто во вториот квартал не ја подобрува состојбата. Во првиот квартал од оваа година бројот на градежни работници се намалил за над 7.000 или 14,2 отсто.
„Заради сето ова ние бараме поддршка од Владата. Предлагаме мерки, правиме анализи цела година, но досега нема слух, никаков одговор од власта. Бараме Владата да покаже дека планира да им помогне на градежниците затоа што во оваа ситуација не гледаме изгледи за подобрување. Најлоша е состојбата во производство на градежни материјали каде дури 90 отсто од производите имаат раст на цените од над 50 отсто, а некои поскапеа и за 200 отсто“, вели Серафимовски.
Целиот разговор погледнете го во видеото.
.webp){kind=icon}
