.webp){kind=icon}
Државата го презема управувањето со топлинска енергија преку државната компанија ЕСМ. На денешната седница на Економско-социјалниот совет, Владата донесе одлука да се започне постапка за издавање лиценца на ЕСМ за производство на топлинска енергија на регулираниот пазар. Со добивање на лиценцата ЕСМ ќе го преземе парното греење во град Скопје. Ќе ги преземе и топланите, а за тоа ќе се плаќа надомест за закуп на сопствениците. Премиерот Димитар Ковачевски тврди дека на тој начин граѓаните ќе имаат парно греење на почетокот на грејната сезона, односно од 15 октомври.
„Обезбедени се и пари за топлинската енергија. Граѓаните да бидат безгрижни, парно ќе има и грејната сезона ќе почне навреме“, рече премиерот Ковачевски на вонредната прес конференција, потенцирајќи дека се обезбедени финансиски средства за потребните енергенси за топлинска енергија.
Премиерот Ковачевски гарантира и континуирана и стабилна испорака на електрична енергија во претстојната зима. За таа цел, вели дека државата обезбедува максимално искористување на производните капацитети во Македонија, иако се работи за стари и дотрајани капацитети. ЕСМ годинава произвеле 22,5 проценти повеќе струја од претходно планираното.
Прочитај повеќе
Парното во Скопје ќе се решава со набавка на гас од Србија
Во домовите во Скопје ќе има парно на 15 октомври, вели Виктор Андонов, советник за енергетика во Кабинетот на премиерот.
28.09.2022
АД ЕСМ: Ремонти во РЕК Битола, во погон РЕК Осломеј и ТЕЦ Неготино
Целосна мобилизација на енергетските капацитети за непречено снабдување со струја
19.09.2022
„Владата донесе и неколку други одлуки со кои ќе се овозможи основните и средните училишта да се снабдуваат со струја на регулираниот пазар, а здравствените установи ќе се снабдуваат со струја преку ЕСМ по поповолни цени“, рече премиерот Димитар Ковачевски.
Тој уште еднаш напомена дека владата е во преговори со Србија за снабдување со природен гас, кој би се користел во когенеративната постројка за производство на парно и струја. Но, уште нема никакви детали затоа што од Србија не се знае на кој правен начин би можеле да испорачаат во Македонија дел од залихите на природен гас што ги има таа држава, со оглед на тоа дека Србија не смее да препродава гас.
