Повеќето германски компании во Северна Македонија, се прилично задоволни од нивните инвестиции - 75 потврдија дека ќе реинвестираат, вели во разговор за „Блумберг Адрија“, Патрик Мартенс, директор на делегацијата на германското стопанство.
„Понекогаш има потреба од брза реакција од страна на јавната администрација. Во моментов сме во кризна ситуација, па веројатно некои легислативи во парламентот треба да бидат прилагодени на кризата. Од друга страна, понекогаш компаниите имаат потреба од брз одговор во однос на некои одобренија за да одлучат дали да ги прошират своите капацитети тука или не“, посочува тој.
Во однос на рецесијата која ѝ се заканува на Германија, Мартенс вели дека последиците би се почувствувале не само во македонската економија, туку во целата југоисточна Европа.
„Германија има голем обем на трговија со овој регион. Се надевам дека закрепнувањето од рецесијата, која можеби уште не е ни започната, ќе биде брзо. Доколку цените на енергијата во Германија дополнително се зголемат, тоа ќе има влијание врз германската економија и може да ја намали побарувачката за увоз, што секако го засега овој регион. Но, ваквата ситуација не се однесува само на Северна Македонија или југоисточниот регион, така е во цела Европа, сите сме зависни еден од друг“, вели Мартенс, кој сепак е оптимист во однос на тоа како ќе се развива состојбата во текот на наредната година.
Целиот разговор со него проследете го во видеото во рамки на објавата.
.webp){kind=icon}
