Бојан Цветановски, претседател на здружението на финансиски пазари АЦИ Македонија, во гостување на Блумберг Адрија ТВ ги презентира своите очекувања за монетарната политика во текот на наредната година.
„Нашата централна банка го следи светскиот тренд и зголемувањето на каматните стапки ќе продолжи и следната година. Но лично сметам дека инфлацијата веќе го достигна својот врв во ноември. Со бројка од близу 20 проценти, мислам дека врвот е достигнат и натамошното кревање на каматните стапки ќе оди со забавено темпо“, вели тој.
Според прогнозата на Цветановски, благајничките записи ќе бидат од 5 до 5,50. Значи, како што рече, би имало уште мало покачување, бидејќи сега се 4,75.
„На крајот од годинава гледаме дека деловните банки овие покачувања на каматите ги имаат имплементирано со различна динамика и на активната и на пасивната страна и очекувам следната година во првиот квартал да има похомогено имплементирање на каматните стапки, односно кревање и на активната и на пасивната страна кај сите банки, со тоа што таа динамика може и да се забрза“, посочува Цветановски.
Целиот разговор со него погледнете го во видеото во рамките на објавата.
.webp){kind=icon}
