Дефицитот во тековната сметка на Северна Македонија се очекува да се намали на околу 3 проценти од бруто домашниот производ оваа година од околу 7 проценти колку што изнесуваше во 2022 година, изјави Анита Ангеловска-Бежоска, гувернерка на Народната банка за „Блумберг“ на маргините на Форумот на Централна и Источна Европа 2023 година во Виена.
Според неа, подобрувањето ќе биде поттикнато од стабилизирање на бројките во надворешната трговија. Таа укажува дека минатогодишното проширување на дефицитот е резултат на поголемиот трговски минус, кој беше само делумно ублажен преку зголемувањето на дознаките.
Гувернерката смета дека централната банка ги исполнува барањата на ММФ за исплата на втората транша од 155 милиони евра како дел од линијата за претпазливост и ликвидност одобрена во ноември.
.webp){kind=icon}
