Австриската влада им вети на даночните обврзници по 1.000 евра во готовинa и дополнителни субвенции за да помогне во спречувањето на ефектите од зголемената инфлација.
Домаќинствата и компаниите ќе добијат 6 милијарди евра оваа и следната година како директни бенефиции, со додадени 22 милијарди евра помош до 2026 година во форма на пониски даноци. Тоа е надополнување на милијардите евра веќе ветени како мерка против зголемените цени на струјата и природниот гас.
Канцеларот Карл Нехамер ги објави новите мерки во вторникот поради ширењето на незадоволството на гласачите од коалицијата на неговата конзервативна Народна партија со Зелените. Анкетите покажуваат дека популарноста на владата страда додека Австријците се соочуваат со криза на трошоците за живот, која се засили од почетокот на војната во Украина.
Планираните давачки за емисии на јаглерод диоксид, што се централна климатска реформа во Австрија, ќе бидат одложени до октомври.
„Јасно е дека ова се извонредно тешки времиња“, рече Нехамер. „Ние на луѓето им ги враќаме парите што ги одзеде инфлацијата“.
.webp){kind=icon}
