Какви се трендовите во безготовинското плаќање во Македонија и земјите од регионот Адрија и што може да очекуваме од банките во иднина кога станува збор за овој дел од нивното работење ќе можете да прочитате понеделнички во новата анализа што ја подготви аналитичкиот тим на „Блумберг Адрија“. Банкарскиот сектор ќе биде во нашиот фокус на почетокот на следната недела и од аспект на прашањето кои се главните учесници во трката за формирање прва регионална банка во регионот Адрија.
Истовремено, ќе можете да прочитате и какви промени носат измените на регулативата за плаќање на данокот на додадена вредност за странските компании што нудат услуги во Македонија, а немаат регистрирано своја фирма во земјава.
Во текот на неделата ќе презентираме и резултати од истражување кое покажува какви се очекувањата на менаџерите за нивните компании во следните десет години и кои се ризиците за кои сметаат дека ќе бидат најголем товар до крајот на годината.
Ќе видиме колку се подготвени македонските банки за нови економски стресови, а по последните поскапувања ќе анализираме и колкава е реалната вредност на потрошувачката кошница во Македонија. Во тој контекст ќе се задржиме и на обувките, кај кои во изминатиов период има огромен раст на цените.
Во Македонија во изминатиов период има драстичен раст на бројот на магистри што се стекнале со повисоко ниво на образование од областа на бизнисот, поради што ќе анализираме какво влијание на овој тренд има зголемувањето на бројот на факултети односно дали тоа го подобрува или го влошува квалитетот на високото образование во земјава.
Со оглед на тоа што изминаа три години откако Македонија стана членка на НАТО, ќе анализираме колкав е воениот буџет на земјава и како се распоредуваат трошоците во одбраната.
.webp){kind=icon}
Во моментов нема коментари за веста. Биди прв да коментира...