Какви се најновите трендови во трговијата на мало во Македонија и земјите од регионот Адрија ќе можете да прочитате на почетокот на следната работна недела во анализата што ја подготви аналитичкиот тим на „Блумберг Адрија“. В понеделник ќе дознаеме и дали има ново забавување на стапката на инфлација, која по рекордниот раст во текот на минатата година паѓа неколку месеци во континуитет.
Во текот на следната недела ќе откриеме и какви се плановите на Владата за воведување на таканаречениот данок на јаглерод, со оглед на тоа што регулативата за оваа нова давачка е веќе во завршна фаза на подготовка.
Ќе анализираме дали има простор во Македонија да се издаваат таканаречени народни обврзници за да се диверзифицираат изворите на финансирање на јавниот долг, инструмент што веќе го користат повеќе европски земји. Исто така ќе дознаете кои земји од регионот и Источна Европа планираат задолжување преку издавање таканаречени самурајски обврзници за да обезбедат средства за финансирање на јавниот долг по поволни услови.
Ексклузивно за „Блумберг бизнисвик Адрија“ реномирани македонски менаџери откриваат какви автомобили возат, а ќе можете да прочитате и кои се најголемите тајкуни на Балканот.
Истражуваме во каква кондиција е пензискиот систем во Македонија, како и колку долго по пензионирањето македонските работници земаат пензија, односно колкав е нивниот просечен животен век.
Ќе дадеме одговори на прашањата дали има намалување на ликвидните средства кај македонските банки по кризната 2022 година и во каква состојба е банкарски систем. Истовремено, преку прецизни податоци и разговори ќе елаборираме какво влијание имаше кризата врз енергетскиот сектор во земјава и врз авиосообраќајот, каде што веќе има тренд на поскапување на авиобилетите. Притоа, откриваме за колку пари и каде летаат Македонците.
.webp){kind=icon}
