Вкупно 600 индивидуални земјоделци и фармери и уште педесетина аграрни компании за првите три месеци годинава ги осигурале своите посеви, плодови и животни, информираат од Агенцијата за супервизија на осигурување (АСО).
„Наскоро земјоделското осигурување ќе стане задолжително со закон и заради тоа неговото учество во осигурителниот пазар значајно ќе се зголеми. Целта на оваа реформа е преку зголемување на масовноста значајно да се намали цената на осигурувањето, а истовремено со акумулација на средствата на осигурениците-земјоделци да се создадат големи фондови од кои ќе се исплаќаат штети кои може да ги предизвикаат временските непогоди и особено актуелните климатски промени“, велат од Агенцијата.
Податоците на Агенцијата за супервизија на осигурување (АСО) покажуваат дека повеќе од 650 индивидуални земјоделци и аграрни компании вложиле 118,6 милиони денари (1,93 милиони евра) во осигурување на посеви, плодови и животни за првите три месеци годинава.
Прочитај повеќе
Раст на осигурителниот пазар во првиот квартал од 2022
Приватното здравствено осигурување е најпопуларно според растот на вложувањата
16.06.2022
Осигурителни компании исплатиле близу 16 милиони евра штета
Исплатени се 23.000 штети што е 30 отсто повеќе од лани
10.06.2022
Во овој период во осигурување на своето земјоделско производство, стока и живина земјоделските компании вложиле 14,4 милиони денари (234.000 евра). Од тоа 5,5 милиони денари (89.000 евра) се за осигурување посеви и плодови, а останатите 8,9 милиони денари (145.000 евра) се за осигурување животни.
Осигурителните компании во првите три месеци исплатиле 24,1 милиони денари (391.000 евра) за штети покриени со земјоделско осигурување. Исплатени се 331 штета на фармери за осигурување животни и шест штети за осигурување посеви и плодови.
„Минатата година вкупните вложувања во земјоделско осигурување изнесувале 547 милиони денари (8,9 милиони евра). При тоа биле склучени вкупно 3.858 договори за осигурување посеви, плодови и стока. Речиси 3.000 од тие договори ги склучиле индивидуални земјоделци кои ги осигурале нивните посеви и плодови, а над 500 фармери вложиле во осигурување на нивната стока и живина. Лани 376 земјоделски компании имале осигурување за посеви, плодови и стока“, известуваат од Агенцијата.
За 2021 година осигурителните компании исплатиле вкупно 355,6 милиони денари (5,8 мил.евра) штети за осигуран добиток, посеви и плодови.
.webp){kind=icon}
Во моментов нема коментари за веста. Биди прв да коментира...