Има ли државата проблем со наплатата на данокот на додадена вредност? Податоците на Министерството за финансии покажуваат дека заклучно со април, државата собрала за 6,9 отсто повеќе пари од данок на додадена вредност споредено со лани. Планот беше годинава да бидат собрани близу 15 отсто повеќе пари од оваа давачка и да биде надмината рекордната милијарда евра од лани.
Следната недела ќе го анализираме токму ова. Зошто потфрли собирањето на ДДВ и време ли е за ребаланс на буџетот?
По случувањата во САД со лимитот за задолжување, анализираме дали тој постои и во други земји, што значи тоа и каква е состојбата со долгот во Македонија.
Следната недела ќе анализираме и какви се дивидендните политики за 2022 година кај компаниите што го сочинуваат берзанскиот индекс МБИ10. Кои акционери ќе се радуваат на поголеми дивиденди од лани, а кои ќе треба да чекаат подобри времиња?
Каква е состојбата со тутунската индустрија во регионот Адрија? Нашите аналитичари за понеделник подготвија сеопфатна анализа за трендовите во тутунскиот сектор, кој е особено важен за земјава, затоа што тутунот е еден од главните македонски извозни производи.
Следната недела ќе ни покаже и во кој правец се движи економијата во Македонија. Статистика ќе ги објави податоците за бруто-домашниот производ во првиот квартал, ќе видиме каква е трговската размена, особено по лошите бројки во Германија, која е најголем трговски партнер на земјава, и најважно ќе видиме дали инфлацијата продолжи да паѓа.
.webp){kind=icon}