Министерот за финансии Фатмир Бесими симболично купи една граѓанска обврзница. Тој во објава на Фејсбук напиша дека го направил овој чекор „за да го илустрира процесот на инвестирање и придобивките за граѓаните и земјата“.
Понатаму во објавата, министерот го објаснува процесот:
1. Поднесов барање до банката за купување хартии од вредност - „граѓанска обврзница“.
Прочитај повеќе
Граѓанската обврзница ќе ги зголеми каматите на штедните влогови
„Граѓанската обврзница ќе ја збогати понудата на пазарот на капитал во Македонија“, вели Горан Мојаноски, проектен менаџер во „Аксапта мастерс“.
28.06.2023
ББА-анализа: Каматата на македонските народни обврзници и приносите во регионот
Македонија до крајот на овој месец ќе понуди народни обврзници.
12.06.2023
Ивановски: Каматата за народната обврзница најверојатно ќе биде од 4 до 5 отсто
Според Ивановски, од издавањето на народната обврзница бенефиција ќе имаат и граѓаните и државата.
19.05.2023
Народни обврзници: Државата ќе се задолжува поевтино, за граѓаните ќар
Македонија им се приклучува на земјите што ќе издаваат народни обврзници.
09.05.2023
2. Банката ќе ме извести за резултатот од аукцијата што ќе се одржи на 13 јули 2023 година.
3. Сопственоста на граѓанските обврзници ќе се евидентира во Депозитарот за хартии од вредност на 20 јули 2023 година.
Фејсбук-профил на министерот за финансии Фатмир Бесими
Бесими вели дека оваа инвестиција од 10.000 денари се очекува две години по ред да му носи принос по 500 денари, и тоа на 20 јули 2024 година и на истиот датум во 2025 година, кога ќе му биде вратена вложената вредност од 10.000 денари.
„Со оваа инвестиција симболично ќе придонесам за развојот на земјата со развојни проекти што се финансираат од буџетот на државата во интерес на економијата и благосостојбата на граѓаните. Граѓанската обврзница е инвестиција и за идните генерации - затоа ќе ѝ ја подарам на Аурела, мојата 14-годишна ќерка, како нејзина прва инвестиција за подобра иднина на нејзината татковина“, напиша министерот.
За да избегне каков било конфликт на интереси, поради јавната должност како министер за финансии и со овластувања за одлучување при издавање хартии од вредност со цел финансирање на буџетот, тој вели дека нема да учествува со дополнителни инвестиции во граѓански обврзници додека ја извршува оваа јавна должност.
.webp){kind=icon}
Во моментов нема коментари за веста. Биди прв да коментира...