Раст на платите на сите вработени во јавниот сектор од 10 отсто почнувајќи со платата за септември 2023 година договориле на работната група по интензивни средби и разговори денеска во Министерството за финансии. За овој модел попладнево извести министерот за финансии Фатмир Бесими.
„Постигнато е системско и одржливо решение за пораст на платите за вработените во јавниот сектор. Предлогот, кој заеднички го утврдивме, со претставници на синдикатите, ќе биде доставен до Економско-социјалниот совет, кој на седница, која ќе се одржи наредните денови, треба да се потврди, вели министерот.
Во преговорите учествуваа и вицепремиерот за економски прашања Фатмир Битиќи и министерката за труд и социјална политика Јована Тренчевска. Според Бесими со ова решение се штитат интересите на работниците.
Покрај 10 отсто раст на платите од септември, во разговорите постигнато е и воведување нова методологија на плати со коефициент според просечната бруто плата од март 2025 година. Исто така, е договорено регресот за годишен одмор да се исплати во износ од 10.000 денари нето за 2023 година, а од 2024 година па понатаму договорено е во општиот колективен договор тој да изнесува најмалку 30 отсто од просечната нето-плата.
Со цел имплементација на договореното во септември ќе се пристапи кон ребаланс на Буџетот.
.webp){kind=icon}
