Министерот за финансии Фатмир Бесими најави дека е можно зголемување на износот на граѓански обврзници што ќе бидат понудени на престојната аукција закажана за четврток доколку побарувачката е поголема од сегашната понуда од 600 милиони денари (околу десет милиони евра).
„Проспектот на аукцијата е објавен на 600 милиони денари, но доколку има интерес за 15 милиони евра ќе се запише целиот износ. Во текот на годината ќе има и други аукции на граѓански обврзници, соодветно на високиот интерес на јавноста за овој инструмент“, рече Бесими во гостувањето во емисијата „24 Анализа“.
Тој информира дека граѓаните можат да доставуваат барања уште денес и утре во деловните банки.
Прочитај повеќе
Се очекува „тепачка“ за првите граѓански обврзници
Главна причина за големиот интерес е каматната стапка од пет проценти, која е речиси двојно повисока од просечната камата на депозитите орочени на две години.
10.07.2023
Стартуваат граѓанските обврзници: Купонска камата од пет проценти
Средствата кои ќе се мобилизираат преку аукцијата на граѓанските обврзници, ќе се искористат за буџетски потреби
30.06.2023
Бесими: Граѓанските обврзници се без ризик и ќе донесат ќар за граѓаните
Тие ќе ја поттикнат инвестициската активност, ќе ја намалат готовината во оптек
28.05.2023
„Имавме желба да го лансираме овој производ, кој нема за цел да го финансира буџетот. Целта е да се раздвижи пазарот на капитал, да понудиме нов инструмент за граѓаните и да го прошират своето инвестициско портфолио. Тоа е безризична инвестиција, а воведувањето на овој инструмент исто така влијае на намалување на сивата економија, бидејќи ја активира готовината на граѓаните. Исто така, граѓаните со инвестирањето во граѓанската обврзница ќе придонесат во развојот на земјата. Дополнително граѓаните ќе остварат и принос со кој се штити вредноста на парите во услови на висока инфлација“, рече министерот Бесими.
„Блумберг Адрија“ неодамна пишуваше дека постои голем интерес меѓу македонските граѓани за новите обврзници и дека заклучно со минатата недела кај некои банки веќе бил искажан интерес за запишување граѓански обврзници во противвредност од над милион евра. Искуствата од Хрватска и од другите земји кои веќе издадоа граѓански обврзници покажуваат дека побарувачката за овој финансиски инструмент веројатно ќе ја надмине понудата.
.webp){kind=icon}
Во моментов нема коментари за веста. Биди прв да коментира...