На крајот на јули 2023 година, официјалните девизни резерви изнесуваат 3,80 милијарди евра, што е намалување за 388 милиони евра во однос месец јуни, кога резервите биле над четири милијарди евра, покажуваат последните податоци на Народната Банка.
Најголем дел од девизните резерви се пласирани во хартии од вредност (63,8 проценти), по што следуваат валутите и депозитите (25,6 проценти) и монетарното злато (10,4 проценти).
Неодамна заменик министерот за финансии Филип Николоски на социјалната мрежа „Фејсбук“ објави дека на крајот на месец јули државата ја исплатила еврообврзницата од 2016 години во висина од 450 милиони евра.
Досега Македонија издаде девет еврообврзници, со последно исплатената обврзница од 2016 година во висина 450 милиони евра по овој основ државата ќе плаќа и во следните години.
За две години, односно во 2025 година ќе доспее еврообврзницата земена во 2018 година за која треба да се одвојат половина милјарда евра. Во следните три години од 2026 до 2028 година земјава треба да отплати три еврообврзници - во 2026 еврообврзницата од 2020 година вредна 700 евра, во 2027 доспева еврообврзницата земена годинава во висина од половина милијарда евра, додека во 2028 година ќе се одвојат 700 милиони евра за обврзницата земена во 2021 година.
.webp){kind=icon}
