Владата на денешната седница, на предлог на Министерството за економија, донесе одлуки за намалувања на маржите кај овошјето и зеленчукот, со што цените се очекува дополнително да се намалат до 30 проценти. Конкретно, Владата одлучи со посебна одлука да се пропише највисока трговска (профитна) маржа за овошјето и зеленчукот. И денеска е донесена Одлука за посебни услови за трговијата на одделни стоки, со што се определува највисоката трговска (профитна) маржа, како посебен услов во трговијата со свежо овошје и свеж зеленчук.
За сите трговски друштва и трговци поединци кои учествуваат во трговскиот ланец во трговијата на големо, се утврдува највисоката трговска (профитна) маржа во вкупен износ до 10 отсто, а во трговијата на мало се утврдува во вкупен износ до 15 отсто.
Влада
Предвидено е одлуката да се применува до 30 ноември 2023 година, а влегува во сила наредниот ден од денот на објавувањето во „Службен весник на Република Северна Македонија“.
Донесени се одлуки за намалување на увозните давачки за увоз на свеж зеленчук и ориз, за укинување на увозните давачки за увоз на агруми, свежи или сушени, односно на: лимони, портокали, мандарини, грејпфрут, како и за укинување на увозната давачка - царинската стапка за увоз на млеко и павлака.
Највисоките цени на овие производи се утврдуваат на нивото на цените (со исклучок на цените на акциска продажба) коишто се применувале на 19 септември 2023 година, во трговијата на големо, а коишто цени се намалуваат најмалку за 10 отсто. Трговците за вршење дејност трговија на мало, се должни да ги утврдат цените во трговијата на мало за овие производи согласно висината на процентот наведен во оваа одлука, а производите коишто се поставени на полиците, фрижидерите и разладните уреди треба јасно да ги обележат со натписот „гарантирана цена”, којшто е објавен на веб-страницата на Министерството за економија.
Одлуката влегува во сила наредниот ден од денот на објавувањето во „Службен весник на Република Северна Македонија“ и е предвидено да се применува до 30 ноември 2023 година
.webp){kind=icon}
