Деловни згради во центарот на Скопје, познати скопски ресторани, големи и мали локали во Градскиот тровски центар се само дел од недвижностите кои може да се најдат на листите на имот за продажба на македонските банки откако претходно ја презеле сопственоста за да наплатат долгови или пак повеле постапка за присилна наплата преку извршител.
„Комерцијална банка“ го продава деловниот простор во кој некогаш беше сместен познатиот скопски ресторан „Три бисери“. Вкупната површина е 440 квадрати, од кои 317 квадрати со запишана сопственост во имотен лист, а 123 квадрати со незапишани права. Овој објект се продава по почетна цена 388.739 евра.
Комерцијална банка
„НЛБ Банка“ продава деловен простор лоциран во Градскиот трговски центар (ГТЦ) со вкупна површина од 198 квадрат. Намената на просторот била продавница за електрични апарати, а моментално е без намена.
Прочитај повеќе
Банките распродаваат живеалишта: Луксуз и багатела на едно место
На продажба се нудат куќи вредни и повеќе од 500.000 евра, но има и трошни имоти, од кои банките очигледно не можат да се ослободат.
27.06.2023
Цени од 2.500 евра за квадратен метар во Скопје не се реални
Во Македонија локацијата односно нејзината атрактивност е она што влијае најмногу на цената на становите.
19.10.2023
Анкета: Граѓаните не сакаат да купат стан по овие цени, градежништвото во слободен пад
Дури 74 отсто од учесниците во нашата анкета не би купиле стан заради високите цени
26.09.2023
Засилен раст на цените на деловните објекти во Македонија
Недоволната развиеност на пазарот на деловни објекти создава ризик од намалена ликвидност на деловните простори земени како обезбедување.
28.10.2023
НЛБ Банка
„Објектот е изведен од стандардни градежни материјали со армирано бетонска конструкција. Излогот е од алуминиумски профили со епоксирано стакло.Фасадата е од натур бетон и стакло. Деловниот простор се состои од еден простор. Висината е повеќе од 3 метри, таванот е спуштен 60/60, со подна покривка од керамички плочки. Греење на деловниот простор е со градско парно“, се вели во огласот.
Овој објект се продава по почетна цена од 285.000 евра.
Банката во извршна постапка ја продава и некогашната управна зграда на „Бетон“, која се се наоѓа веднаш зад Министерство за економија. Овој објект има површина од неколку илјади квадратни метрим и се продава по цена од 4.952.967 евра.
„Во рамки на недвижноста се наоѓаат подвижни предмети, машини и опрема – канцелариски мебел и систем за видео надзор, систем за заштита од провала и кражба, систем за заштита од пожар, лифтови, комплет систем за греење и ладење – климатизација и вентилација, со моментална вредност од 318.963 евра.“, пишува во огласот.
НЛБ Банка
„Шпаркасе банка“ исто така продава деловен простор во ГТЦ Скопје со вкупна површина од 293 квадрати. Недвижноста е поделена на повеќе деловни простории - локали и може да функцира поединечно, или пак во целина. За овој објект не е дадена почетна цена.
На продажните листи на банките може да се најдат и фабрики, земјоделско земјиште, станови, куќи и други недвижности.
Карактеристично е што дел од деловниот простор подолг период се наоѓа на овие листи и очигледно е дека банките не можат да го продадат по посакуваната цена. „Блумберг Адрија“ веќе пишуваше дека Народната банка во новиот извештај за финансиска стабилност предупреди дека недоволната развиеност на пазарот на деловни објекти создава ризик од намалена ликвидност на деловните простори земени како обезбедување поради неизвесноста при нивното извршување.
.webp){kind=icon}
Во моментов нема коментари за веста. Биди прв да коментира...