.webp){kind=icon}
Невозможно е да се случи во следниот период да има намалување на цената на недвижностите, изјави Ивица Јакимовски, претседател на градежната комора при гостувањето во Блумберг Адриа ТВ. Затоа, вели сега е вистинско време да се купи недвижност. Јакимовски додава дека во изминатите две години, поскапувањето на градежните материјали и на градежната услуга директно влијаеле на конечната цена на недвижностите, но тврди дека сега има извесна стабилизација.
„Не може со сигурност да се тврди со колкав процент би се зголемила цената во следниот период. Во јуни и јули има стабилизација на цените на градежните материјали, па во наредениот период немаме очекување за покачување на цените, може да се очекува блага стабилизација. Дополнителен проблем со кој сега се соочуваме е зголемувањето на цената на електричната енергија и тоа дополнително може да направи одреден притисок. Треба сите да знаеме дека производство на една станбена единица е подолг период и затоа влијаат сите влезни параметри. Сепак невозможно е да се случи да има намалување. Имавме нагли осцилации сега нема такви движења во цените на материјалите кои се стабилизирани на едно ниво, но како ќе се движи во иднина не може да гарантираме, вели Јакимовски.
Додава дека и градежните компании не се во завидна ситуација - се соочија со поскапување на енерегентите, но и укинувања на Детални урбанистички планови, неактивност на администрација...
Според него, сега во услови на зголемување на каматите, веќе е извесно, заврши ерата на ниски камати и станбените кредити долго нема да се издаваат по досега достапните ниски камати.
