На крајот на јуни 2022 година, официјалните девизни резерви изнесуваат 3,11 милијарди евра, што е намалување за 914 милиони евра во однос на истиот месец, минатата година кога резервите биле над четири милијарди евра. Новите податоци на Народната банка откриваат дека падот на резервите што почна минатата година континуирано продолжува и годинава.
„Гледано преку факторите на промена, најголемо влијание врз девизните резерви имаа интервенциите на Народната банка на девизниот пазар, како и трансакциите за сметка на државата“, соопшти Народната банка во најновиот извештај за макроекономските показатели.
Оттаму информираат дека во вториот квартал од 2022 година, на девизниот пазар на банките е остварена повисока нето-продажба на девизи во споредба со истиот период од минатата година, при истовремено висок раст и на понудата и на побарувачката на девизи.
„Секторската анализа покажува дека ваквите поместувања и натаму во најголем дел произлегуваат од високата нето-продажба кај фирмите, што во значителен дел е надоместено со остварениот висок нето-откуп кај менувачите“, соопшти Народната банка.
Според Народната банка девизните резерви (приспособени за ценовните и курсните разлики и ценовните промени на хартиите од вредност) на крајот на јуни 2022 година и натаму се во сигурната зона.
„Расположливите податоци за надворешниот сектор упатуваат на трговски дефицит во периодот април ‒ мај којшто е повисок од очекувањата за вториот квартал од годината. Податоците за менувачкото работење за вториот квартал од 2022 година укажуваат на остварени нето-приливи од приватните трансфери коишто се значително повисоки од очекувањата за вториот квартал од 2022 година, според априлската проекција“, објаснуваат во Народната банка.
.webp){kind=icon}
Во моментов нема коментари за веста. Биди прв да коментира...