.webp){kind=icon}
Хрватската градежна компанија ИГХ ќе врши надзор на изградбата на автопатите по должината на Коридорот 8 и 10д.
Договорот вреден 22,6 милиони евра стапува на сила денеска, а уделот на хрвтската компанија изнесува третина од вкупната сума или 8,7 милиони евра.
Хрватската компанијата која е партнер со велешкиот Институт за патишта, а договорот го потпишала со ЈП за Државни патишта, за зделката извести на својата веб страница.
Предмет на договорот се следните делници:
Тетово - Готивар, со должина од 17,5 километри – се очекува да бидат исградени четири моста со должина од 65 метри, осум патници, три потпатници и 34 подземни канали
Гостивар - Букојчани, со должина од 30, 3 километри, каде се очекува да бидат изградени 14 моста со должина од 3.818 мерти, шест натпатници и 10 потпатници и 33 потпорни ѕидови со должина од 3.536 метри
Требеништа - Струга, со должина од 21,7 километри, каде што се очекува да бидат изградени пет моста со должина од 185 метри, седум натпатници, 10 потпатиници, седум потпорни ѕидови со должибна од околу 500 метри
Прилеп - Битола, со должина од 39,3 километри со 19 моста со должина од 688 метри, 21 натпатник и 16 потпатници.
Договорот е со траење од 58 месеци.
Коридорите 8 и 10д, ќе ги гради американско – турскиот конзорциум Бехтел и Енка, на терен во тек е процесот на експропијација, почетокот на градбата се очекува да биде означен овој месец или во септември.
Колку ќе не чини овој инфраструтурен проект, засега не се знае, а би требало да биде завршен до 2026 година.
Владата со директна спогодба склучи договор со Бехтел и Енка за градење на автопатите, слично како што претходната Влада склучи договор со кинески Синохидро. Антикорупциската комисија случајот го даде пред Уставен суд затоа што целата постапка се врши без тендер, но УСтавниот суд пресуди во корист на конзорциумот.
Текстот е напишан во соработка со Karlo Vajdić, Bloomberg Adria Hrvatska
