Во пресрет на најтешката зима, цената на огревното дрво и на пелетите расте, а граѓаните се жалат дека трговците ги кријат залихите што предизвикува недостиг на пазарот и дополнителен раст на цените. Затоа Владата го задолжи Државниот пазарен инспекторат (ДПИ) да изврши надзор на пазарот. За наодите на инспекторите за Блумберг Адриа ТВ говореше директорката на Пазарна, Анета Симеска Димоска.
Според неа, инспекторите извршиле 131 надзор и констатирале седум неправилности. Неправилностите се состојат во тоа што трговците кај себе ја немале евиденцијата, па инспекторите не можеле да утврдат по која цена се набавени пелетите и колку залиха има. Но, Симеска вели, надзорите продолжуваат.
„Затекнавме дека нема големи количини на залиха, а цената расте од јануари наваму. Констатиравме дека растот на цената е оправдан и се должи на тоа што пелетите се увозни и од документацијата се гледа дека расте набавната цена. Цената на пакување од 15 килограми изнесува од 220 до 390 денари. По килограм, на пазарот има пелети за 15 до 26 денари. Маржата на трговците изнесува од 10 до 40 отсто во зависност од трговецот и од квалитетот на пелетите“, вели Симеска Димоска.
Целиот разговор погледнете го во видеото.
.webp){kind=icon}
