Ако влеземе во спирала на се поголемо поскапување на цената на енергијата и на суровините, лебот и понатаму ќе поскапува, изјави при гостувањето во телевизија Bloomberg Adria, Горан Ѓорѓиевски, претседател на Агро-бизнис комора при Сојузот на стопански комори. Тој е сопственик на пекарницата „Специјал“ и тврди дека во последниот период поскапувањето се должи исклучиво на зголемените трошоци за суровини и за прескапата енергија.
„Влезните инпутни цени на суровините, енергијата и на човечките ресурси директно влијаат на цените на производите. Во Македонија средните компании се на берза за електрична енергија - а денеска на берзата Хупекс ценеата на електрична 457 по мегаватчас. За паралела, во Србија, Црна Гора, БиХ и Албанија каде плаќаат по 60 до 90 евра за мегаватчас и во ковид кризата и во оваа криза. Кога имате толку висока влезна цена на суровините и на енергијата нема да има ниска цена на производ. Со овие параметри цените па и и не се толку високи, вели Ѓорѓиевски.
Во однос на движењето на цените во следниот период вели дека се ќе зависи од понудата и побарувачката.
„Бидејќи целата ситуација е резултат на понудата и на побарувачката се ќе зависи од тоа. Доколу на берзите цените бидат соодветно стабилизирани како што сте сега исто така и цените на производите ќе се стабилизираат. Но доколку влеземе во спирала на понатамошно поскапување на суровините и на енергијата, ќе поскапуваат и производите. Би апелирал на нашата Влада да имаме што поголемо производство на струја. Тоа би било добро затоа што ќе добиеме релативно ниска цена на енергенсот и со тоа ќе се влијае цената на нашите производи, изјави Ѓорѓиевски.
Вели дека нема ризици од недостиг на храна, но дека суштината е која ќе биде цената.
Поопширно во видеото
.webp){kind=icon}
