Американската стопанска комора во Северна Македонија (АмЧам) на своето 24-то генерално собрание, кое се одржа вчера, избра тројца членови на Одборот на директори, а во рамките на настанот беа доделени и признанија за најдобрите практики на општествена одговорност (CSR) на компаниите членки.
На отворањето на собранието се обратија претседателот на Одборот на директори на АмЧам, Иван Костиќ, и американската амбасадорка во земјава Ангела Агелер.
Ангела Агелер
АмЧам
Во работниот дел, за членови во Одборот на директори на АмЧам беа избрани Андреј Петрески (Cisco), Славко Пројкоски (Македонски телеком) и Бојан Стојаноски (Стопанска банка), кои добија двегодишен мандат во ова тело.
На генералното собрание беше одбележан и клучен момент во проектот „Партнерства за донирање“, поддржан од УСАИД, а имплементиран од АмЧам во партнерство со асоцијација „Конект“. Притоа беа доделени признанија за највлијателните општествено одговорни практики на компаниите. Меѓу наградените компании за 2024 година се најдоа:
- Халкбанка за проектот „Фустани со џебови“;
- Битолска млекара за проектот „Растеме заедно“;
- Стопанска банка за проектот „Вози право - вози здраво“;
- ТИТАН цементарница Усје за проектот „ Вклучување на вработените, развој и добросостојба“;
- Зегин за проектот „Зегин Спектратон - Трка на херои во сите бои“.
Пред членовите беа претставени и извештаи за тековното работење на АмЧам, а претседателите на комитетите ги презентираа најзначајните постигнувања за 2024 година. Исто така беа најавени и некои од приоритетните проекти за периодот што следува, во согласност со стратегијата на АмЧам за периодот 2024-2028. Во фокусот на овие иницијативи ќе бидат економскиот развој, предвидливоста на деловното опкружување, дигитализацијата, здравствениот систем, човечкиот капитал и одржливоста.
.webp){kind=icon}