Најскапиот автомобил што е увезен лани во Македонија е „мерцедес бенц амг пјур спид“ (Mercedes benz AMG purespeed). Неговата вредност, според увозните документи, изнесува 40.159.861,54 денари или над 650.000 евра, без давачки кон државата.
Увезениот примерок е произведен во 2025 година, се наведува во податоците што за потребите на магазинот „Блумберг бизнисвик Адрија“ ни ги достави Царинската управа.
Навидум значајна сума, но пониска од таа што била лани платена за најскапиот автомобил увезен во земјава. Сепак, не е сѐ така како што изгледа на прв поглед.
Прочитај повеќе
Нова С-класа - последна шанса на „Мерцедес“ да ја одбрани луксузната круна?
Влогот е висок бидејќи С-класата е во срцето на луксузната стратегија на извршниот директор Ола Калениус.
03.02.2026
Што го прави автомобилот луксузен денес, а да не е само цената?
Како директорите за автомобили го дефинираат луксузот во модерното време и што тој значи за вашиот паричник.
16.01.2026
Полнењето електричен автомобил во Македонија предизвик за кој уште сме до стратегијата
Заклучно со лани, регистрирани се околу 2.000 електрични автомобили, а поставени се стотина јавни полначи, што е вистински предизвик за возачите.
20.01.2026
Како изгледа возење „мерцедес“ што го управува вештачка интелигенција?
Новинарка на „Блумберг“ го пренесува своето искуство од возење во новиот „мерцедес“ опремен со вештачка интелигенција.
15.01.2026
Рекордниот увоз на половни автомобили го „збогати“ и остаре возниот парк во Македонија
Во Македонија лани биле увезени 60.459 патнички автомобили од кои 46.805 биле употребувани автомобили, а 13.654 биле нови автомобили.
20.01.2026
Проверките покажаа дека овој автомобил, без давачки, во Германија чини најмалку 920.000 евра, достигнува и над милион евра.
Инспириран од Формула 1
„Мерцедес бенц амг пјур спид“ достигнува до 315 километри на час, а до 100 километри на час забрзува за 3,6 секунди. На веб-страницата на производителот се наведува дека дизајнот на целосно отворениот двосед без покрив и ветробранско стакло се одликува со комбинација од ниска силуета, долга хауба и многу ниска предница со препознатлив нос како ајкула.
Тој уште се опишува како ексклузивен автомобил без покрив, кој е прв модел од серијата „митос“, инспириран од Формула 1. Лани биле произведени само 250 примероци.
И, еден од тие 250 примероци лани влегол во земјава. Од Царинската управа немаат дополнителни податоци за конкретното возило, но велат дека подолг период управата врши контроли на увозот на луксузни возила во земјава.
|
Лани биле поднесени над 100 пријави за повеќе од 200 возила Контролите за увоз на возила може да се вршат до пет години наназад. По контролите што биле спроведени во текот на 2025 година, поднесени се 103 кривични пријави за сторени кривични дела со 232 возила. |
Македонците не штедат на луксузни автомобили
Листата најскапи патнички моторни возила увезени лани покажува дека граѓаните најмногу сакаат „мерцедеси“. Од десет најскапи, четири се од овој бренд. Нивните цени се движат од 11,5 до 15 милиони денари (од 187.00 до 245.000 евра), без давачки кон државата.
На листата има и два автомобила „ферари“, кои чинат околу 210.000 евра, без давачки. Лани биле увезени едно „лабморгини“ и два модела „порше“ во тој ценовен опсег. Најстариот луксузен автомобил увезен лани е произведен во 2021 година.
Минатата година најскапото возило исто така беше „мерцедес“, а за него купувачот платил 774.000 евра, вкупно со давачките кон државата. Инаку, во текот на 2024 година вкупно 65 автомобили поскапи од сто илјади евра излегоа на патиштата во Македонија.
Најмногу возила се увезени од Германија и од Велика Британија, а доминираат „мерцедес“, „порше“ и во помала мера „ленд ровер“, соопшти Царинската управа. Увезени се луксузни автомобили во вредност од над осум милиони евра, за кои се наплатени 3,3 милиони евра увозни давачки.
.webp){kind=icon}
