„Стандард и Пурс“ ги суспендира рејтинзите на Град Скопје

„Стандард и Пурс Глобал Рејтингс“ (S&P Global Ratings) соопшти дека ги суспендира долгорочните кредитни рејтинзи „Б+“ на Град Скопјe поради недостиг на доволно и навремени информации за одржување на рејтинзите.

„Перспективата беше стабилна во времето на суспензијата. Во моментов немаме пристап до информации за најновата ликвидносна позиција на градот, како и за среднорочното финансиско планирање и стратегија“, наведуваат од рејтинг агенцијата во соопштението објавено на терминалот на „Блумберг“.

 

Оттаму додаваат дека ќе го продолжат со надзорот и ќе ги вратат рејтинзите доколку информациите што недостасуваат станат достапни и доколку заклучат дека ги исполнуваат нивните стандарди за квантитет, навременост и сигурност.

„Доколку, по разумен временски период, нашите барања за информации за надзор не се исполнети, ќе ги повлечеме рејтинзите“, соопштија од „Стандард и Пурс“.