Американските работодавачи отворија повеќе работни места во ноември отколку што се очекуваше, а платите се зголемија во однос на претходниот месец, што укажува дека побарувачката за работна сила е се уште голема и стои на патот на намерите на Федералните резерви во обидот за ограничување на инфлацијата.
Бројот на работници (со исклучок на работниците во земјоделството, домаќинствата и некои делови од администрацијата) се зголеми за 263.000 минатиот месец, покажа извештајот на Министерството за труд. Стапката на невработеност остана на 3,7 отсто. Просечната заработувачка по час порасна двојно повеќе од прогнозата по нагорната ревизија од претходниот месец.
Просечната проценка во анкетата на „Блумберг“ меѓу економистите покажа зголемување на бројот на работници за 200.000, а стапката на невработеност да остане стабилна на 3,7 отсто. Фјучерсите на американските акции паднаа, а приносите на државните обврзници пораснаа по извештајот, бидејќи инвеститорите сега очекуваат поагресивен став од ФЕД.
Најмногу нови работни места има во угостителството, здравството и владата. Во меѓувреме, работодавачите во малопродажбата, транспортот и складирањето и услугите за привремена помош отпуштаат работници.
Поголемото зголемување на платите ја нагласува континуираната сила на пазарот на труд и покрај зголемувањето на каматните стапки и загриженоста за претстојната рецесија. Постојаната неусогласеност помеѓу понудата и побарувачката на работна сила продолжува да го поткрепува растот на платите и доведе до тоа многу економисти да очекуваат компаниите да не сакаат да отпуштаат работници во услови на потенцијален пад.
.webp){kind=icon}
Во моментов нема коментари за веста. Биди прв да коментира...