Трговски центар во Истанбул, во сопственост на најголемата турска медиумска империја, беше запленет откако компанијата не отплати дел од својот долг, што е последен удар од листата неплатени заеми.
„Денизбанк“, турска подружница на „НБД банка“ oд Емиратите, соопшти дека го презела трговскиот центар „Демирорен“, кој се простира на 19.000 квадратни метри во срцето на туристичката област Таксим, од „Демирорен холдинг“ поради долг, без да открие дополнителни детали.
„Демирорен“ е близок со турскиот претседател Реџеп Таип Ердоган, со интереси што опфаќаат медиуми, недвижности, енергија и обложување. Во 2018 година ги купи весникот „Хуриет“ и ТВ-каналот „Си-ен-ен Турк“ за речиси една милијарда долари и ги преобликува во провладини медиуми.
Но отплатата на заемите што ги користеше за финансирање на аквизициите беше под притисок, бидејќи бројот на публиката опадна, а лирата ослабе во однос на доларот.
Групацијата започна разговори за реструктурирање заеми од околу 1,5 милијарда американски долари во 2021 година, повеќе од половина од нив со државниот заемодавец „Зираат банка“. „Зираат“ и нејзината подружница за недвижности оттогаш заплениле земјиште и уште една зграда во Истанбул од „Демирорен“ поради неплатени долгови.
.webp){kind=icon}