Руската индустрија неочекувано закрепна за првпат по една година, бидејќи секторите поврзани со военото производство забележаа силни резултати во услови на зголемени трошоци поради инвазијата на Украина.
Индустриското производство во март е зголемено за 1,2 отсто во однос на истиот период претходната година, покажуваат податоците на Федералниот завод за статистика. Тоа е значително повеќе од очекуваниот пад од 1,4 отсто, кој го прогнозираа економистите во истражувањето на „Блумберг“. Рударството и експлоатацијата на ресурси паднаа за 3,6 отсто, но агенцијата не објави податоци за производството на нафта, за разлика од минатите соопштенија.
Производството порасна за повеќе од шест отсто, предводено од растот од 30 отсто кај „готовите метални производи“ што вклучуваат оружје и муниција. Компјутерските, електронските и оптичките производи, за кои економистите велат дека најверојатно вклучуваат делови за авиони и ракетни мотори, како и оптички нишани и други системи, имаат раст од 23 отсто.
Производството на „друг транспорт“, кое вклучува борбени возила, авиони и бродови, се зголеми за повеќе од 10 отсто втор месец по ред.
Растот на военото производство започна во февруари и следуваше по бумот на државните трошоци на почетокот на годината, за кои официјалните лица изјавија дека се поврзани со неименувани договори.
Податоците за военото производство се државна тајна, но економистите велат дека секторот е еден од најотпорните откако беше започната инвазијата пред повеќе од една година. Рускиот претседател Владимир Путин во неколку наврати изјави дека фабриките за оружје работат деноноќно за да бидат во чекор со побарувачката.
.webp){kind=icon}
Во моментов нема коментари за веста. Биди прв да коментира...