Гувернерката на Банката на Русија, Елвира Набиулина, која му помогна на Кремљ да го апсорбира ударот од големите санкции поради инвазијата на Украина, рече дека се подготвува за зајакнување на санкциите насочени кон економијата на земјата.
„Преструктурирањето на руската економија се одвива „многу брзо“ бидејќи бизнисите се приспособуваат на санкциите“, рече Набиулина во интервју за „РБЦ вести“ објавено во понеделникот. Постои искушение да се мисли дека „ние сме, како што велат, до колена во морето“ откако ќе ја пребродиме почетната бура, иако „мора да бидеме подготвени за зголемен притисок од санкции“, рече таа.
МИА
Американското министерство за финансии во петокот објави дека ќе употреби санкции против банките што ги олеснуваат зделките во кои Русија набавува полупроводници, топчести лежишта и друга опрема неопходна за нејзината воена машина - дури и ако тие не се свесни дека го прават тоа. Европската Унија го поддржа 12-от пакет санкции против Русија на 15 декември.
Во долгото интервју, во кое не се споменува Украина или војната што ги предизвика невидените санкции, Набиулина рече дека прекуграничните плаќања остануваат „проблем за многу бизниси“. Има и „многу сериозни“ предизвици во развојот на долгорочното финансирање, рече таа.
„Не можеме да кажеме дека одговоривме на сите предизвици“, рече Набиулина. Сепак, таа рече дека е „многу позитивна за развојот на финансискиот сектор и неговата одржливост“.
.webp){kind=icon}
