Големиот австралиски ланец на супермаркети „Колс“ (Coles Group Ltd.) постави ограничувања за купување јајца поради стравувањата од недостиг, бидејќи властите се обидуваат да го задржат ширењето на вирусот на птичјиот грип.
Клиентите во сите држави освен Западна Австралија ќе бидат ограничени на купување два картони јајца дневно, се вели во соопштението на „Колс“.
Овој потег доаѓа откако минатата недела на петта фарма во Викторија беше откриен високопатоген тип на птичји грип H7N3. Повеќе од половина милион кокошки се еутанизирани во државата и околу 450.000 јајца се уништуваат секој ден за да се спречи ширењето на вирусот, објави австралиската радиодифузна корпорација.
Поставени се карантински зони за да се ограничи движењето на птиците, храната и опремата во близина на заразените фарми, откако минатиот месец беа откриени првите случаи. Минатата недела, маж во Мексико почина откако се зарази со птичји грип Н5N2 – вид кој претходно не беше потврден кај луѓето.
H7N3 е различен од видот на птичји грип H5N1, кој ги уништи дивите птици и цицачите ширум светот во последниве години, но не е откриен во Австралија. Во март, H5N1 беше пријавен кај млечни крави во САД, каде што ги контаминираше резервите на млеко и предизвика несериозни инфекции на очите кај двајца работници на фарма.
Австралиските јајца остануваат безбедни за јадење и нема ризик заразените јајца да влезат во синџирот на снабдување, изјави во понеделникот министерот за земјоделство Мареј Ват.
.webp){kind=icon}