На индискиот технолошки сектор ќе му требаат повеќе од милион инженери со напредни вештини за вештачка интелигенција (ВИ), како и други способности, во следните две до три години, проценува индустриско тело. Сепак, оваа побарувачка нема да може да се задоволи доколку владата значително не го зголеми образованието и обуката.
Секторот ќе треба да преквалификува повеќе од половина од својата постоечка работна сила за да преземе работни места во области како што се вештачката интелигенција, анализата на големи податоци и сајбер безбедност, рече Сангита Гупта, виша потпретседателка и главна службеничка за стратегија во Националната асоцијација на компании за софтвер и услуги со седиште во Бенгалуру.
Таа вели дека новите дипломирани студенти ќе можат да пополнат само една четвртина од потребните работни места во напредната технологија. „Вработувањето на работната сила е огромен предизвик и ќе бара многу работа“, истакнува Гупта, додавајќи дека индустријата не може да функционира со еднократна обука, туку мора да биде континуиран процес во услови на брзо менување на дигиталната средина.
Индискиот технолошки сектор вреден 250 милијарди долари игра важна улога во економијата, вработувајќи околу 5,4 милиони луѓе. Технолошките услуги сочинуваат околу 7,5 отсто од бруто домашниот производ на земјата, кој изнесува три трилиони долари.
ИТ компаниите, како што е ТЦС (Tata Consultancy Services Ltd.), се борат да ги пополнат позициите поради големата неусогласеност помеѓу вештините на работната сила и она што им е потребно на работното место. Таа неусогласеност може да ги стави ИТ компаниите во неповолна положба против светските ривали како што е ИБМ (International Business Machines Corp.) и „Аксентчур“ (Accenture Plc).
ТЦС минатиот месец соопшти дека не може да пополни 80.000 работни места поради недостиг на вештини. Исто така, го удвои бројот на своите вработени обучени за вештачка интелигенција во фискалната година што заврши во март. „Ларсен и Тубро“ (Larsen & Toubro Ltd.), најголемата индиска инженерска и градежна фирма, во јуни соопшти дека на нејзините ИТ единици им недостасуваат 20.000 инженери.
Гупта вели дека коренот на овој проблем или јазот во вештините во Индија лежи во лошиот образовен систем - од основно до средно училиште. „Факултетите, пак, не им обезбедуваат на студентите доволно практични вештини кои се неопходни за пазарот на труд“, истакна таа.
.webp){kind=icon}
