Новоизбраниот претседател Доналд Трамп вчера рече дека Панамскиот канал наплаќа „прекумерни цени и стапки на минување“ на американските поморски и трговски бродови и побара да се намалат таксите или во спротивно Панама ќе треба да го врати каналот во САД.
„Таксите што ги наплаќа Панама се смешни, особено ако се знае извонредната великодушност што ѝ беше дадена на Панама од САД“, рече Трамп во објавата на неговата платформа „Трут сошл“ (Truth Social). „Овој ‚грабеж‘ на нашата земја веднаш ќе престане“.
САД се најголемиот клиент на каналот со околу три четвртини од товарот што транзитира секоја година. Меѓутоа, продолжената суша го попречи движењето на бродовите меѓу Атлантскиот и Тихиот океан низ каналот. Директорката на Националниот економски совет Лаел Брејнард минатата недела рече дека тоа резултирало со нарушувања кои придонеле за притисоците во синџирот на снабдување што ја поттикнале инфлацијата.
Прочитај повеќе
Американскиот Конгрес го усвои буџетот на работ на крајниот рок
Гласањето коешто заврши со 85 „за“ наспроти 11 „против“ денеска рано наутро дојде по повеќе од шест часа откако мерката беше испратена во Домот.
21.12.2024
Директорот на Тикток на вечера со Трамп, ќе се спаси ли мрежата од забрана во САД
Вечерата се одржа само неколку недели пред популарната апликација да биде забранета во САД поради загриженост за националната безбедност.
17.12.2024
Милионските донации ги смирија технолошките гиганти и Трамп
Џеф Безос, Марк Закерберг и Илон Маск се смирија со старо-новиот американски претседател Доналд Трамп.
13.12.2024
Трамп пред судир со ЕУ додека таа ги „чешла“ американските технолошки гиганти
Во наредните месеци „Епл“, „Гугл“, „Мета“ и платформата X би можеле да се соочат со казни во милијарди.
10.12.2024
Управата на Панамскиот канал соопшти во петокот дека каналот придонел со 2,47 милијарди долари во касата на Панама во фискалната 2024 година, што е втор последователен годишен пад.
САД го завршија каналот долг 51 милја (82 километар) низ централноамериканскиот дел во 1914 година, но го отстапија назад на Панама во 1999 година според договорот потпишан од поранешниот претседател Џими Картер во 1977 година - потег што Трамп го нарече глупав.
Трамп посочи дека каналот е во опасност да падне во погрешни раце, велејќи дека со каналот не треба да управува Кина. Кина е втор најголем клиент на каналот. Кинеска компанија со седиште во Хонг Конг контролира две од петте пристаништа во непосредна близина на каналот, по едно на секоја страна.
„Тоа не беше дадено за корист на другите, туку само како знак на соработка меѓу нас и Панама“, рече Трамп. „Доколку не се почитуваат принципите, морални и правни, на овој великодушен гест на давање, тогаш ќе бараме да ни биде вратен Панамскиот канал, целосно и без прашање. До официјалните лица на Панама, ве молиме соодветно да постапувате!“
Амбасадата на Панама во Вашингтон не одговори веднаш на барањето за коментар. Официјален претставник на владата на Панама синоќа изјави дека е запознаен со изјавата на Трамп и дека ќе има формален одговор следниот ден или подоцна. Портпаролот на каналот одби да коментира додека владата не одговори.
.webp){kind=icon}
