ЕУ најавува „цврст“ одговор доколку Трамп воведе царини

Европската унија ја критикуваше одлуката на американскиот претседател Доналд Трамп да воведе царии за увоз на главните американски трговски партнери – нарекувајќи го потегот „штетен за сите страни“.

„Европската унија жали за одлуката на САД да воведат царини за Канада, Мексико и Кина“, изјави портпаролот на Европската комисија, пренесе МИА.

Тој додаде дека ЕУ ќе возврати „цврсто“ доколку американскиот претседател Доналд Трамп ја исполни својата закана со која ќе го погоди увозот од блокот со царини.

„ЕУ цврсто би одговорила на секој трговски партнер кој неправедно или произволно воведува царини за стоките на ЕУ“, изјави портпаролот на Европската комисија.

Претседателот на САД, Доналд Трамп објави дека Американците можеби чувствуваат економска „болка“ од неговите царини за клучните трговски партнери, но тврди дека би било „вредно за цената“ да се обезбедат американските интереси.

„Дали ќе има болка? Да, можеби (а можеби и не!)“, напиша Трамп на неговата социјална мрежа „Трут“, еден ден по потпишувањето на царините за Мексико, Канада и Кина поради загриженоста за илегална имиграција и трговија со дрога.

„Но, ќе ја направиме Америка повторно голема, и сето тоа ќе вреди за цената што мора да се плати“, додаде тој.

Во моментов нема коментари за веста. Биди прв да коментира...

Остави коментар