Одделот за контрола на владините трошења (Department of Government Efficiency – DOGE) на Илон Маск се обидува да пристапи до многу податоци за даночните обврзници, вклучително и податоци за поединци, според лице запознаено со ова прашање. Ова ги поттикна демократските пратеници да изразат загриженост во врска со прашањата за приватност.
Тимот на Маск ги бара податоците, но сè уште нема пристап до нив, рече лицето, кое побара да остане анонимно.
САД имаат строги закони кои забрануваат откривање информации за даночните обврзници, иако постојат исклучоци за спроведување на законот.
Демократските пратеници, вклучително и претставникот Грегори Микс од Њујорк, го критикуваа потегот на тимот на Маск. „Неизбран олигарх без безбедносен сертификат не треба да има пристап до најдоверливите информации на Американците“, рече Микс во објавата на X.
Во јануари, новооснованиот Оддел за контрола на владините трошења доби пристап до платниот систем на Министерството за финансии, што поттикна висок владин функционер кој се обиде да го блокира овој потег, одеднаш да си замине. Јавните обвинители од 19 држави и три работнички синдикати, исто така, поднесоа тужби за да го блокираат пристапот на Одделот до чувствителни системи.
Минатата недела, тројца демократи во Сенатот, исто така, го критикуваа секретарот за финансии Скот Бесент за, како што рекоа „недостигот на искреност“ за постапките на тимот на Маск во однос на американските платежни системи.
.webp){kind=icon}
