text size
Претседателот Доналд Трамп во неделата сугерираше дека неговите сеопфатни царини би можеле да помогнат во намалување на данокот на доход за лицата што заработуваат помалку од 200.000 долари годишно. Оваа одлука доаѓа во момент кога расте загриженоста на јавноста за неговата економска политика.
Трамп претходно тврдеше дека приходите од царини би можеле да ги заменат даноците на доход, иако економистите ги доведоа во прашање тие тврдења.
„Кога царините ќе стапат во сила, даноците на доход за многу луѓе ќе бидат значително намалени, можеби дури и целосно укинати. Фокусот ќе биде на лицата што заработуваат помалку од 200.000 долари годишно“, порача претседателот во неделата на својата мрежа Трут (Truth Social).
Прочитај повеќе
„Шејн“ ги поскапе производите за американските купувачи - некои за дури 377 отсто
Онлајн трговците од Кина се соочуваат со царини од 120 проценти за многу свои производи, па дел од тие трошоци се обидуваат да ги префрлат на потрошувачите.
27.04.2025
Трамп тврди дека Шји го побарал. Дали навистина разговарале?
Во екот на трговската војна што беснее меѓу САД и Кина, сè повеќе е очигледно дека станува збор за судир на ега меѓу лидерите на двете земји.
26.04.2025
Дванаесет сојузни држави го тужат Трамп поради царините
Претседателот Трамп доби тужба на домашен терен поради неговата царинска политика.
24.04.2025
Ставовите на Трамп за царините ги потресоа пазарите, предизвикаа страв од раст на цените за Американците, поттикнаа предупредувања за рецесија и предизвикаа загриженост околу статусот на САД како финансиско прибежиште - загриженост што државниот секретар Скот Бесент ја оспори во интервју во неделата.
„Не мислам дека тука се работи за губење доверба“, рече Бесент во емисијата „This Week“ на „Еј-би-си“ (ABC). „Сè што се случува во рок од две недели или месец може да биде статистички шум или пазарен шум“.
Бесент рече дека администрацијата на Трамп „поставува темели“ за инвеститорите да знаат дека американскиот пазар на државни обврзници е „најбезбеден и најстабилен во светот“.
„Ќе привлечеме многу пари и ќе ги намалиме даноците за луѓето во оваа земја“ преку приходите од царини, рече Трамп на враќање во Вашингтон од неговиот голф-клуб во Њу Џерси. „Ќе биде потребно малку време пред да го оствариме тоа“, додаде тој.
Засега, според анкета на „Си-би-ес њуз“ (CBS News) објавена во неделата, 69 проценти од Американците сметаат дека администрацијата на Трамп не е доволно фокусирана на намалување на цените. Одобрувањето за Трамп околу водењето на економијата во анкетата падна на 42 процента, во споредба со 51 процент на почетокот на март.
Трамп сака да го продлабочи намалувањето на данокот на доход што беше одобрен во 2017 година, за време на неговиот прв претседателски мандат.
Исто така тој предложи проширување на даночните олеснувања - вклучувајќи исклучување на бакшишите на работниците и приходите од социјално осигурување од оданочување - и намалување на данокот на добивка за корпорации од 21 процент на 15 проценти.
.webp){kind=icon}
