Сингапур е домаќин на Формула 1 и овогодинешната најголема инвестициска конференција, на која ќе се соберат банкари и различни инвеститори, а поради која цените за ноќевање во хотелите во Сингапур уриваат рекорди.
По неколкугодишни ограничувања поради пандемската криза, Сингапур станува место за забава и убави моменти, што придонесува за невиден пораст на цената на сместувањето.
Богатата островска држава ќе биде домаќин на серија конференции, како што е самитот „Големото враќање“ закажан за 20 септември, за која присутните ќе платат неверојатни 4.000 долари. Тука е и Формула 1, која повторно се одржува по пауза од две години. Сето ова изгледа како совршен амбиент за богатите да го прослават закрепнувањето од мрачниот пазар предизвикан од пандемиската криза. Трошоците за сместување на главни локации од Марина Беј Сендс до познатиот хотел Рафлс се распродадени во поголемиот дел од месецот, многу од нив по повеќе од 2.000 долари за една ноќ.
Цената на сместувањето веќе достигна највисоко ниво во последната деценија и покрај последниот бран поскапувања. Основачот и директор на компанијата Hermitage Capital, Шон Ксијанг за својот двонеделен престој во Сингапур издвоил од 40 до 50 илјади долари и го смета за многу профитабилен. Тоа е негово прво патување по три години. „Тоа е малку екстравагантно“, рече Ксијанг откако имаше среќа со неговото сместување во Сандс, кој може да се пофали со најголемите казина во Азија.
„Менаџерите за инвестиции од Кина не можат да патуваат никаде веќе три години, ова е конференција што не треба да се пропушти“, рече тој. Ксијанг планира да се дружи со инвеститорите додека е во градот и да дознае како другите како него се справуваат со распродажбата на пазарот.
Освен финансиери, на самиот настан се очекува да учествуваат и стартапи во подем. Покрај тоа, во септември се планирани и Самитот на Milken Institute во Азија, глобалната конференција на извршниот директор на Форбс и неколку други настани, чиј домаќин ќе биде и Сингапур, а во октомври се очекува фестивалот Gamescom Asia.
Сепак, Формула 1 може да се покаже како несомнено најголемиот настан. Исходот од овогодинешната ноќна трка е најочекуван откако првпат се одржа во 2008 година. Покрај трката во Формула 1, ќе настапат и музички ѕвезди како ирската поп група Вестлајф и рок групата Грин Деј. Покрај нив, на крајот на оваа година беа најавени и некои други светски музички имиња како Џастин Бибер, Марун фајв и Ганс енд Роузес.
.webp){kind=icon}
