Не очекуваме изненадувања на јануарскиот состанок на Федералниот комитет за отворен пазар (FOMC) и сметаме дека Банката на федералните резерви на САД (Фед) ќе остане на сегашните каматни стапки. Монетарната политика на Фед е под знак прашалник во однос на моментот кога ќе почне намалувањето на каматните стапки. Претставниците на Фед во наративот се наклонети кон претпазливиот став „повисоко за подолго“, додека пазарите очекуваат намалувањето да започне веќе во март годинава. Сепак, очекувањата на пазарот и самите потези на Фед се условени од новите информации што доаѓаат од американскиот пазар, па затоа е клучно дали таканаречената „тешка милја“ во трендот на инфлација навистина ќе биде тешка, бидејќи постојат индиции дека инфлацијата ќе продолжи со својата патека кон преферираните два процента.
Покрај дефлаторот на трошоците за лична потрошувачка (PCE deflator), кој во декември порасна за 2,6 проценти на годишно ниво, „основните“ категории на инфлацијата, кои се постабилни и подобро го одразуваат трендот на цените, во декември забавија на 2,9 проценти (индексот PCE без нестабилните цени на храната и енергијата). Постои одредена загриженост за понатамошната динамика на цените на суровините што се во минус поради високите резерви, но тоа може да биде од привремен карактер, што би можело да ги врати цените на нагорна траекторија. Како резултат на тоа, мерилото за „супер-кор“ инфлацијата (PCE услуги без енергија и домување) сепак покажа посилно ниво од 3,9 проценти на годишно ниво.
Очекувањата дека пазарот на трудот ќе забави одат во прилог на мартовската одлука за намалување на каматните стапки, но не и подобрување на расположението на клиентите. Како што забавува инфлацијата, расположението на потрошувачите се подобрува и може да влијае инфлацијата да биде поупорна и да се задржи над два процента некое време.
Прочитај повеќе
ОЕЦД: Високи камати од ФЕД и ЕЦБ подолго од очекувањата на инвеститорите
Тоа е спротивно од очекувањата на пазарите кои во моментов се обложуваат за олеснување намонетарната политика во првата половина на следната година.
29.11.2023
ФЕД ги зголеми каматите на највисоко ниво во 22 години
Вратата за ново зголемување останува отворена
26.07.2023
Податоците од минатата недела дека САД забележале економски раст всушност се приближуваат до она што беше предвидено во 2023 година - дека ќе се избегне рецесија (веројатноста дека САД ќе влезат во рецесија во следните 12 месеци се намалува од средината на 2023 година, а индексот на менаџерите за набавки - PMI - ја премина границата од 50). Тоа повторно ги поддржува внимателниот наратив и можното одложување на одлуката на Фед за намалување на каматните стапки, а и фокусот е на податоците за почетокот на 2024 година. Така е бидејќи Фед не е притиснат од потребата да дејствува контрациклично со каматните стапки со оглед на тоа што економијата не е во рецесија. Пазарот на трудот не забавува (барем не значително и упорно) и тоа е она што го поттикнуваат и економскиот раст (силен придонес на приватната потрошувачка) и инфлаторните притисоци.
Нашиот став е дека Фед ќе биде на стендбај и во март, иако постои извесна веројатност дека податоците во тие шест недели ќе сигнализираат дека целта е постигната и дека е време каматниот товар да почне да се намалува, што би било поддршка на посакуваното сценарио за смирување на инфлацијата придружено со економски раст.
.webp){kind=icon}