.webp){kind=icon}
Неколку големи блок-трансакции го одбележаа тргувањето на Македонската берза во текот на минатата недела. Во трансакција вредна 28,4 милиони денарти беше продаден блок од 21.110 акции од „ТТК Банка“ по цена од 1.350 денари за акција.
„ТТК Банка“ АД Скопје преку берзата информираше дека Наталија Алексова, член на Управниот одбор на банката се стекнала со 1.500 обични акции, Драгица Јовановска, член на Надзорниот одбор на банката се стекнала со 1.500 обични акции и дека Бобан Гоговски, член на Надзорниот одбор на банката се стекнал со 2.110 обични акции.
Во блок-трансакција вредна 14,2 милиони денари беа продадени 10.000 акции од „Гранит“. Акциите се продадоа по цена од 1.422 денари за акција.
Минатата недела, имаше и тргување со помали блокови акции од „Комерцијална банка“ и „Алкалоид“. Во блок-трансакција вредна 3,8 милиони денари беа продадени 342 акции од банката, а за 3,3 милиони денари беа продадени и 200 акции од „Алкалоид“.
