Купувајте - порачува извршниот директор на „Енвидија“ за распродажбата на технолошките акции

Главниот извршен директор на „Енвидија“ (Nvidia Corp.), Џенсен Хуанг, го карактеризира падот на технолошките акции што започна минатата недела како можност за купување. Тој тврди дека изградбата на вештачката интелигенција штотуку започнала.

Јужнокорејскиот референтен индекс Kospi падна во понеделник откако инвеститорите се повлекоа од вложувања во вештачката интелигенција што го поттикнаа глобалниот биковски пазар на акции. Американските технолошки акции паднаа во петокот поради загриженоста за можно зголемување на каматните стапки.

Хуанг, одговарајќи на прашања за време на патувањето во Сеул за тоа како треба да се перципира тој распродажбен пад, рече дека индустријата е сè уште во рани фази на изградба на инфраструктура што ќе служи како основа за иднината поттикната од вештачката интелигенција. Во понеделникот од Енвидија“ и „СК Иникс“ (Hynix Inc.) изјавија дека постигнале повеќегодишен договор за дизајнирање на идните генерации мемориски чипови за вештачка интелигенција, победа за јужнокорејскиот лидер што се натпреварува со „Самсунг„ (Samsung Electronics Co.) во жешката арена. Акциите, вклучувајќи ги и тие на „СК Иникс“, ги намалија загубите откако јужнокорејскиот претседател Ли Џе Мјунг во понеделникот изјави дека верува оти домашниот пазар останува потценет.

„Ние сме на почетокот и, што и да се случи со берзата, треба да бидете многу среќни бидејќи сега можете да купувате со попуст“, рече Хуанг. „Сите треба да бидат многу возбудени“, им рече тој на новинарите по средбата со претседателот на „СК Груп“, Чеј Тае-вон, во Сеул.

Блумберг

Како и многу негови колеги од индустријата, Хуанг постојано тврди дека вештачката интелигенција ќе револуционизира делови од глобалната економија и ќе го трансформира начинот на кој луѓето работат и живеат. А тоа, пак, ќе предизвика огромна побарувачка за центри за податоци - и чипови - потребни за напојување на идните услуги за вештачка интелигенција.

„Неизбежен е заклучокот дека вештачката интелигенција ќе биде инфраструктура за светот, исто како што интернетот беше инфраструктура за светот“, рече Хуанг.