Акциите паднаа бидејќи трговците ја намалија изложеноста на ризик пред викендот, додека кревкото примирје на Блискиот Исток го задржа геополитичкиот ризик во фокусот.
Се очекува растот на американските акции да направи пауза, откако производителите на чипови го искачија индексот S&P 500 на највисоко ниво од средината на јуни. Фјучерсите на индексот паднаа за 0,2 отсто. Европскиот индекс Stoxx 600 беше речиси непроменет и остана на пат да ја забележи првата неделна загуба по четири последователни недели раст. Акциите на „СК Хајникс“ (SK Hynix Inc.) паднаа за 0,3 отсто во Сеул пред дебито на американскиот пазар на производителот на мемориски чипови.
Нафтата се стабилизираше на крајот од нестабилната недела. Брент, се тргуваше за 0,7 отсто пониско, односно на околу 75,75 долари за барел, додека разговорите меѓу САД и Иран продолжија и покрај обновените судири што предизвикаа остар пад на сообраќајот низ Ормускиот Теснец. Се очекува ризикот од ескалација да ги задржи инвеститорите претпазливи додека ја затвораат неделата.
„Во текот на викендот се очекува да продолжат разговорите меѓу САД и Иран“, изјави Давид Мансо, главен директор за инвестиции во „Каишабанк АМ“ (CaixaBank AM). „Цените на нафтата би можеле да бидат корисен показател за расположението на инвеститорите и нивните очекувања за развојот на ситуацијата.“
Доларот ослабе за 0,2 отсто, трет последователен ден на загуби. Обврзниците го продолжија закрепнувањето, при што приносот на 10-годишните американски државни обврзници се намали за два базични поени, на 4,53 отсто. Јенот беше најуспешна меѓу главните валути, зајакнувајќи за 0,4 отсто откако јапонската министерка за финансии Сацуки Катајама изјави дека Владата сака пензиските фондови да ги зголемат инвестициите во домашни средства.
Bloomberg
Корпорациски вести:
„Изиџет“ (EasyJet Plc) доби нова понуда од приватниот инвестициски фонд „Аполот“ (Apollo Global Management) од 715 пени по акција, со што ја надмина конкурентската понуда на „Касллејк“ (Castlelake LP).
Францускиот милијардер Ксавије Ниел се согласи да купи удел во „Водафон“ (Vodafone Group Plc) од „ЕТГ“ (Emirates Telecommunications Group Co.) за околу шест милијарди долари, со што ќе стане најголем акционер во британската телекомуникациска компанија.
„Баер“ (Bayer AG) продаде малцински удел во својот бизнис со контрацептивни средства на „Аполо“ (Apollo Global Management Inc.) за три милијарди евра (3,4 милијарди долари).
„Фолксваген“ (Volkswagen AG) планира да го намали своето обемно портфолио на модели за дури половина, како дел од програмата за намалување на трошоците, која не ги исполни очекувањата за подлабоки кратења на работната сила и затворање фабрики во Германија.
.webp){kind=icon}
