УБС: Богатите инвеститори се оптимисти и покрај турбуленциите

Берзите се во пад. Војната беснее. Се наѕира рецесија. Сепак, инвеститорите со висока нето-вредност велат дека сè уште се оптимисти за иднината.

Околу 59 проценти од богатите инвеститори за УБС (UBS Group AG) изјавија дека се оптимисти кога станува збор за краткорочните прогнози за берзите, покажуваат резултатите од истражувањето за инвестициското расположение објавени денеска. Тоа е покачување од пред три месеци, кога оптимисти беа 50 отсто од испитаниците.

Bloomberg Mercury

 

Оптимизмот е нерамномерно распореден низ светот. И покрај рекордната инфлација, енергетската криза и војната во Украина, инвеститорите во Европа имаат најпозитивно расположение за иднината, при што 69 отсто изјавиле дека чувствуваат оптимизам за економијата на регионот во следните 12 месеци. Следува Азија, со 62 отсто од азиските инвеститори позитивни на перспективите на регионот во следната година. Американските инвеститори заостанаа, со само 51 процент што веруваат во оптимистичко сценарио за нивниот регион.

Речиси две третини од испитаниците веруваат дека рецесијата е неизбежна. Дури и ако видат знаци на надеж на хоризонтот, повеќе од половина од инвеститорите рекоа дека веруваат дека рецесијата веќе започнала, или ќе почне пред крајот на 2022 година. Речиси две третини очекуваат повисока инфлација идната година.

Речиси половина од испитаниците веќе ги намалиле трошоците, додека 31 отсто велат дека планираат да штедат помалку за да ги неутрализираат ефектите од растот на цените. Нивна примарна грижа се инфлацијата, геополитичкиот ризик и рецесијата.

УБС анкетира 2.913 инвеститори низ светот, со најмалку еден милион долари инвестициски средства во периодот од 28 септември до 17 октомври.