text size
Кинеските акции го запреа растот поради се поголемиот број на инфекции со Ковид-19, а официјалните изјави за одбрана на политиките „Без Ковид“ го намалија оптимизмот. Индексот Hang Seng China Enterprises денеска падна за дури 1,5 отсто, по растот од околу 14 отсто во изминатите пет дена.
Потенцијалното излегување на Кина од стратегијата „Без ковид“ ги охрабри трговците откако минатата недела се појавија шпекулации за потенцијално олеснување на пандемските ограничувања. Цените на локалниот пазар скокнаа овој месец, иако официјалните коментари сугерираат дека промени во политиките нема, а инфекциите се зголемија најмногу во последните месеци.
Прашањето е колку растот би можел да продолжи без официјално отворање на земјата, напиша во белешка, Јун Ронг Иеап, пазарен стратег во IG Asia Pte. „Кинеските индекси го игнорираат притисокот од властите.“ Лидерите на земјата размислуваат за чекори кон повторно отворање, но бележат бавен напредок и не поставија временска рамка, објави Волстрит журнал.
Шпекулациите за повторното отворање на Кина започнаа со серија непроверени објави на интернет минатата недела. Во обид да ги отфрлат гласините, здравствените власти во текот на викендот најавија дека ќе останат цврсто во нивното придржување до ограничувањата за Ковид-19.
Сепак, тоа не ги спречи акциите вчера да растат. Денешниот неуспех само делумно се должи на неодамнешните добивки. Во меѓувреме, најмалку три клучни технички показатели упатуваат на понатамошно нагорна линија за акциите.
“Инвеститорите сè уште чекаат и гледаат“, вели Чи Ло, инвестициски стратег во BNP Paribas Asset Management Asia Ltd. „Без Ковид“ е најголемиот непријател на економијата, така што тоа е грижа број еден за инвеститорите. За пазарот да забележи одржливо закрепнување, потребна ни е стабилна економија за да го поддржи трендот“.
.webp){kind=icon}
