Акциите растат поради добрите податоци за кинеските фабрики

Вредноста на акциите и валутите во Азија порасна, а е предводена од порастот од повеќе од три проценти на референтниот индекс на Хонгконг, додека кинеското производство го забележа најголемото подобрување во повеќе од една деценија.

 

 

Азиската референтна вредност на акциите напредуваше најмногу од средината на јануари, додека фјучерсите за индексите S&P 500, Nasdaq 100 и Euro Stoxx 50 ги намалија загубите по извештајот што покажува дека втората по големина економија во светот, Кина, силно се враќа по укинувањето на ограничувањата за ковид.

Вредноста на еврото порасна за 0,1 отсто во однос на американскиот долар и сега соодносот е 1,0591 долар за евро. И другите стоковни валути пораснаа, при што австралискиот долар се врати од загубата, додека офшор јуанот зајакна за повеќе од 0,6 отсто. 

Заедно со златото, чија вредност се покачи за 0,2 проценти и сега унца се тргува за 1.830,38 долари, се искачи и нафтата. ВТИ порасна за 0,6 отсто, на 77,49 долари за барел.

Кинескиот индекс на менаџери за набавки во производството се искачи минатиот месец до највисокото ниво од април 2012 година.

Денешното закрепнување означува пресврт во однос на последните недели, кога инвеститорите го продаваа речиси секое ризично средство. Индексот на кинеските претпријатија Hang Seng скокна речиси за четири отсто, помогнат од технолошките и имотните акции, враќајќи се по загубата од повеќе од 11 проценти во февруари.

Приносите на обврзниците во Европа вчера пораснаа, откако жешките податоци за инфлацијата предизвикаа ревидирање на очекувањата за каматните стапки. Сега пазарот очекува дека Европската централна банка (ЕЦБ) ќе ги зголемува стапките до февруари 2024 година.

Во моментов нема коментари за веста. Биди прв да коментира...

Остави коментар