Иван Штериев, директорот на Македонската берза стана нов член на Одборот на директори на Централнииот депозитар за хартии од вредност (ЦДХВ). Во одборот влегува и професорот на Економскиот факултет Александар Стојков.
„Согласно член 166-б од Законот за хартии од вредност, ве известуваме дека со Решение на Централен регистар на Република Северна Македонија од 14.06.2022 година, е извршен упис на двајца нови членови во Одборот на директори на ЦДХВ Ад Скопје, и тоа Иван Штериев и проф.д-р Александар Стојков“, стои во објавата од ЦДХВ испратена до Македонска берза.
Македонска берза во март годинава на аукцијата на која се продаваа 890 обични акции издадени од Централен Депозитар за хартии од вредност АД Скопје кои се 14,83 отсто од основната главнина на друштвото купи пакет од 10 отсто од акциите. Станува збор за акции кои порано во Депозитарот ги поседуваше пропадната Еуростандард банка.
.webp){kind=icon}
