Берзанските индекси во пад, исто како и американскиот долар

Денешното тргување на берзите може да се дефинира како многу нестабилно и главно се одликува со пад, бидејќи расположението на инвеститорите не е баш за завидување.

 

 

Индексот S&P 500 порасна за 0,1 отсто, а технолошкиот индекс Nasdaq 100 падна за 0,2 отсто. Во Азија освен јапонскиот индекс, кој порасна за 0,4 отсто, сите други берзански индекси се во негатива, и тоа може да се каже дека имаат длабок минус, почнувајќи од 0,3, па достигнувајќи пад дури до 1,9 отсто.

Загубите кај кинеските акции ги повлекоа генерално акциите во Азија, бидејќи инвеститорите проценуваат дали приказната за повторното отворање на нацијата сè уште има простор да се случи во услови на економски и геополитички спротивставени ветрови.

Трговците очекуваат геополитичките тензии како што се плановите на САД, презентирани минатата недела, да ги ограничат инвестициите во клучните делови од кинеската економија, додека кинескиот претседател Кси Џинпинг и другите врвни лидери ги истакнаа ризиците со кои сè уште се соочува економијата. Некои кинески податоци од последниве денови, кои беа подобри од очекуваното, не беа доволни да го зајакнат расположението.

Показателот на вредноста на доларот на „Блумберг“ падна четврти ден по ред бидејќи знаците за забавување на растот во САД ги намалија облозите за зголемување на каматните стапки на Федералните резерви (ФЕД). Курсот на еврото и американскиот долар е на ниво од 1,1054 долар за евро. 

Пазарите сега се обложуваат дека највисоките каматни стапки во САД ќе се достигнат во јуни, а потоа ќе следува пад и годината ќе ја завршат под 4,5 проценти. Податоците објавени вчера покажаа дека американското производство е послабо од прогнозите на економистите, додека неизвесноста околу горната граница на долгот опстојува. Во текот на оваа недела се очекуваат и податоците за американскиот БДП, за што се предвидува дека ќе открие побавен раст, а базичната инфлација, преферираниот мерач на инфлација за ФЕД, се очекува да покаже дека растот на цените е заладен.

„ФЕД ќе продолжи да чувствува дека може да биде рестриктивен сè додека економијата останува да биде толку силна“, рече Шана Сисел, претседателка и извршна директорка на „Бенрион“ (Banrion Capital Management), во гостување на телевизијата „Блумберг“.

Вредноста на златото се зголеми за 0,2 отсто, со што унца сега чини 1.993,31 долар.

Негативното расположение е присутно и на криптопазарот, каде што биткоинот падна за 0,5 отсто, на 27.332,48 долари, а етерот загуби 0,6 отсто од вредноста и сега чини 1.828,42 долари.

Во моментов нема коментари за веста. Биди прв да коментира...

Остави коментар