Системски „инцидент“ го запре тргувањето со стотици акции на Лондонската берза.
Прекинот влијаеше претежно на акции со пониска вредност, но опфати и неколку имиња од висок профил како „Асос“ (Asos Plc), „Деливеру“ (Deliveroo Plc) и „Метро банк“ (Metro Bank Holdings Plc), според податоците собрани од „Блумберг“. Застојот започнал околу 15:10 часот по локално време.
„Вршиме итни анализи и ќе обезбедиме дополнителни известувања“, објавија од Лондонската берза (London Stock Exchange Group Plc) на својата веб-страница. Само акциите на индексот FTSE 100, FTSE 250 и меѓународните нарачки беа достапни за тргување, се вели во извештајот.
Bloomberg
„Добиваме многу повици од клиенти“, рече Доминик Гаулд, трговец со капитал во „Пил Хант“ (Peel Hunt). „Тргувањето продолжи за некои имиња, но активноста е очигледно многу пригушена во погодените сегменти на пазарот“.
Не е прв пат главното место за тргување со акции во Британија да претрпи ваков дефект. Во 2019 година, LSE имаше прекин кој траеше околу час и 40 минути. Берзата беше погодена и од едночасовно доцнење на тргувањето во јуни 2018 година, предизвикано од софтверски проблем.
.webp){kind=icon}
