text size
По падот на европските берзи, извештајот за инфлацијата во САД негативно се одрази на движењата на американските пазари.
За потсетување, инфлацијата во САД ги изненади аналитичарите, а пазарите сега очекуваат каматните стапки на Фeд да почнат да паѓаат дури од јуни.
Шансите за намалување во март се речиси нула, ако ги погледнеме движењата на пазарот на своп договори, а шансите Федералните резерви на САД да реагираат во мај се еден спрема три. „Намалувањето на каматните стапки во јуни е целосно пресметано“, пишува Је Шије, известувач за пазарите на „Блумберг“ од Њујорк.
Базичната инфлација беше 3,9 отсто, додека очекувањата на аналитичарите беа 3,7 отсто, па приносите на обврзниците скокнаа по објавувањето на резултатите, а доларот зајакна.
BBDXY:IND
Bloomberg Dollar Spot
1.250,36 USD
+0,122 +0,01%
почетна цена
1.249,91
претходна цена на затворање
1.250,24
промена од почетокот на годината
2,987159%
дневен опсег
1.248,83 - 1.250,68
опсег на 52 недели
1.197,88 - 1.281,01
Освен базичната инфлација, вкупната инфлација беше повисока од очекуваното, иако во јануари опадна во однос на декември. Исто така, месечната инфлација беше повисока од средната вредност во истражувањето на „Блумберг“.
Берзанските индекси паднаа по објавувањето на извештајот.
Најголем придонес за растот на базичните цени имаа цените на сместувачките капацитети, кои во јануари пораснаа за 0,6 отсто на месечно ниво. Иако цените на енергијата продолжија да паѓаат, услужниот сектор не доживува дезинфлација. Покрај тоа, раст е забележан и во категориите осигурување моторни возила и здравствени услуги.
Сепак, омиленото мерило за инфлација на Фед, таканаречениот PCE индекс, ќе покаже побавен раст на цените, предвидуваат аналитичарите на „Морган Стенли“ (Morgan Stanley). „Забрзувањето на цените во рамките на основниот PCE индекс е во согласност со нашите прогнози. Ова забрзување ќе биде еден од факторите што ќе ја одложат одлуката за намалување на каматните стапки за јуни годинава“, пишува тимот на инвестициската банка предводен од Елен Зентнер.
„Ако Пауел и колегите не испратија студен туш до инвеститорите што очекуваат намалување на стапките во март, тогаш овој извештај веројатно ќе го направи тоа“, рече Џејсон Прајд од „Гленмед“ (Glenmede).
„Иако вратата за намалување на стапката во март веќе беше затворена по коментарите на Фед и извештајот за пазарот на трудот, овој извештај за инфлација ја заклучи вратата и го фрли клучот“, илустрира Грег Виленски од „Јанус Хендерсон“ (Janus Henderson Investors).
.webp){kind=icon}
