Силните квартални резултати од гигантот за чипови „Енвидија“ го зголемија индексот S&P 500 на рекордно високо ниво, додека азиските пазари беа измешани поради предизвиците во кинескиот сектор за недвижности.
S&P 500 забележа силен раст во четвртокот, поттикнат од подобрите од очекуваните квартални резултати од гигантот за чипови „Енвидија“, кој ги подигна поширокиот пазар и технолошкиот сектор. S&P 500 се зголеми за 2,11 отсто, за да се затвори на 5.087,03, и го забележа својот најдобар ден од јануари 2023 година.
Bloomberg Mercury
Индексот Nasdaq Composite напредуваше за 2,96 проценти, што е негов најдобар ден од февруари 2023 година, за да се затвори на 16.041,62. Dow Jones Industrial Average скокна за 456,87 поени, или 1,18 отсто, надминувајќи 39.000 за првпат досега и затворајќи се на ново највисоко ниво од 39.069,11.
Акциите на „Енвидија“ скокнаа за 16,4 отсто и достигнаа историски максимум откако компанијата објави извонреден пораст од 265 отсто на годишно ниво на вкупните приходи, поттикнати од силниот раст во сегментот на вештачка интелигенција.
„Енвидија“, која стана една од најголемите американски компании по пазарна капитализација, исто така најави дополнителен импресивен раст на приходите за наредниот квартал, и покрај веќе високите прогнози за раст. Покрај „Енвидија“, во пораст беа и другите технолошки акции. „Мета“, „Амазон“, „Мајкрософт“ и „Нетфликс“ објавија значителни добивки.
Bloomberg Mercury
И покрај позитивниот ефект на Волстрит благодарение на успесите на „Ендвидија“, азиските пазари покажаа мешани резултати во петокот. Додека пазарите во Токио беа затворени поради празникот, Ханг Сенг во Хонгконг забележа мал пад од 0,2 отсто, а Шангајскиот композитен индекс остана речиси непроменет.
Секторот на недвижности во Кина, кој сочинува речиси една третина од економската активност во земјата, го продолжи својот негативен тренд, намалувајќи ја довербата на инвеститорите и потрошувачите и дополнително влијаеше на растот. Владините податоци покажаа дека цените на новите станови во водечките градови паднаа за 0,4 отсто во јануари, што укажува на продлабочување на кризата во секторот за недвижности.
.webp){kind=icon}
