.webp){kind=icon}
Во две блок трансакции со вкупна вредност од околу 50 милиони денари минатата недела на Македонската берза беа истргувани 2.179 акции од Комерцијална банка и 911 акции од НЛБ Банка. Блокот акции од Комерцијална банка беше продаден за околу 25 милиони денари, а на НЛБ Банка за 24,9 милиони денари. Исто така, беше продаден блок од 1.385 акции од „Тетекс“ за околу 3,2 милиони денари.
Вкупниот промет на сите пазари на берзата минатата недела изнесуваше 57,5 милиони денари, а беа истргувани 83.968 хартии од вредност. Најголема количина од 9.067 акции беа продадени од Стопанска банка АД Битола, а најголем промет од 22,1 милиони денари имаше од тргувањето со акциите на Комерцијална банка.
