text size
Цените на арабика скокнаа во Њујорк по слабиот мраз во делови од Бразил, каде што се наоѓа главниот производител на кафе, што ја зголеми загриженоста за понудата на пазарот. Трговците внимателно следат уште еден студен бран што се очекува во јужноамериканската земја неделава.
Најактивниот купопродажен договор порасна за цели седум отсто, што е најголем скок од 9 јули. Јужен Бразил беше погоден од слаб мраз во текот на викендот, но температурите не се намалија доволно за да ги оштетат посевите со шеќерна трска, кафе или житни култури, изјави Мајкл Мекдугал, директор на „Парагон голбал“ (Paragon Global Markets).
Неделава се очекува студено време повторно да ги зафати јужните држави Рио Гранде до Сул, Санта Катарина и Парана. Иако се чини дека ваквото време не им се заканува на многу области во кои се одгледува кафе, нестабилноста на пазарот ги стави трговците во висока готовност. Затоа тие внимателно ги следат временските услови за да ги проценат ризиците и можните штети.
Bloomberg Mercury
„Минималната појава на мраз во делови од Серадуо и Моџиана беше доволна за да предизвика нови стравови за снабдувањето“, рече Тиаго Казарини, претседател на „Казарини трејдинг“ (Cazarini Trading Co). „Веќе сме во таква позиција што не можеме да дозволиме грешки во производството.
Мразот дополнително би ги оптоварил земјоделските култури веќе погодени од сушата во Бразил, што се заканува сериозно да го загрози производството следната година. „Исто така, секој дожд пред мразот може да предизвика предвремено цветање, кое културите може да не го преживеат ако потоа нема дожд“, рече Џудит Ганес, претседателка на консултантската фирма „Ганес консалтинг“ (J. Ganes Consulting) од Њујорк.
„Тоа би било тежок удар за бразилското производство за сезоната 2025/2026“, посочи таа во извештајот.
Цени:
Цената на арабика се зголеми за 5,5 отсто, на 2.428 долари за фунта, во 6:33 часот во Њујорк, додека робуста поскапе за 5,7 отсто.
Фјучерсите на какаото паднаа за 3,3 отсто во Њујорк.
.webp){kind=icon}
